© 2018 Armana Marsihés

SEGUÈNCI 7 - DINS LEI PIADO DE MARÌO,

UN POPLE EN PREGUIERO

"Mounta à la Vièrgi" es quaucarèn que lei Marsihés li soun acoustuma despuei de generacien e de generacien. Li soun parieramen acoustuma lei vesitaire vengu dóu mounde entié, ome emai fremo de toui leis iàgi de toui leis óurigino soucialo. Lei crestian, de cresènt de toui lei religien, li counfison à Marìo lei moumen impourtant de sa vido, li fan un vot, vo la remarcien d’uno gràci agudo, ço que lou mouloun d’óujèt liturgi e d’esvoto nous mouestron. Es countagious lou vouei que Marìo dounè à Diéu. D’agnousti, de mescresènt li vènon tambèn à la "Bouono Maire", emé sei counvicien, sei questien, sei charpin. Tóutei s’embugon de la bèuta dei lue.

1 - Celebra

L’art si faguè preguiero : l’artisan gaubejè, ciselè de sei man, teisseguè de sei det, "coumo se vesié l’envesible" e l'óujèt, lou vièsti sacra fan vèire ço qu'es pas vesible.

La pateno (vo lou pas) es uno sieto pèr reçubre emai destribuï lou pan roumpu. "La nue que fuguè liéura, lou Signour prenguè de pan, pèr marco de sa mouart, lou roumpè de sa man.", "Ma vido, degun la prene, es iéu que la dóuni pèr rèndre à la vido toui mei fraire uman".

Lou calice es uno coupo pèr buoure e faire buoure. "Moun sang vuja pèr vàutrei es lou sang de l’alianço : ami, fasès acò en memòri de iéu". "Jèsus ressuscita, toun Egliso t’aclamo... un jour nous prendras à la taulo de Diéu...".

Lei vièsti liturgi prouclamon : "Avès carga lou Crist".

2 - Rèndre gràci

"De toustèms, paure e grand de l’Univers ti benesiran d’èstre la fremo que lou Vèrbe si li faguè car" : acò’s pas un pantai, es uno realita, leis "esvoto" n’en soun la bello provo. Decouracien militàri, maqueto e tablèu gaubeja em’amour, sabènt vo naïve, paure vo ufanous, pèr miliasso, dien la vido, lei neissènço, la mouart, lei dangié, lei garimen, leis espèr, la guerro, la pas, lou travai, la famiho... Individuau vo couleitiéu, tapisson la baselico e seis abord. Tóutei pouerton la marco fisançouso emai ferventouso pèr la Vièrgi assoustarello : "Pèr tout ço qu’es arriba, pèr tout ço que si debano, eici, marci, marci, marci ..."

SEGUÈNCI 1

EN ROUMAVÀGI

SEGUÈNCI 2

LA GÀRDI, UNO VIGÌO

SEGUÈNCI 3

LA GÀRDI : UN SANTUÀRI DESPUEI VUE SIÈCLE

SEGUÈNCI 4

UNO GÀRDI MILITÀRI, QUATRE SIÈCLE DE TÈMS

SEGUÈNCI 5

À LA GÀRDI DE MARÌO

SEGUÈNCI 6

À LA GLÒRI DE MARÌO, LOU SANTUÀRI DÓU SIÈCLE XIX

SEGUÈNCI 7

DINS LEI PIADO DE MARÌO, UN POPLE EN PREGUIERO

Please reload